230. NYUMIRIIRWO NI MUGAMBO

 1.

 Nyumiriirwo ni mugambo umite iguru
 Ukanjira ndina haaro ndarega kwirira
 Nanii ndina kieha muno ngoro-ini yakwa
 Tondu ndiri ndirerira o nginya tene
 
 Ng’ombe na mburi na mbia itiri na bata
 Ndiyoneire uhonokio uri kwa Mwathani
 
 2.

 Nguikia maitho ngona Jesu ari riera-ini
 Akiheneria na moko twambate iguru
 O na ingicambio ni andu kana mamene
 Ngionaga riri wa Jesu ndi na gikeno
 
 3.

 Nguikia maitho ngona mwaki uri gwa Shaitani
 Ngoria niki kingituma ndiweherere?
 Nguona miago na moriru ihaana tuhu
 Nyumba yakwa na uriri iri kwa Jesu
 
 4.

 Andu aingi matuite atiri na ngoro ciao
 Ngetikia Mwathani Jesu ndamuona na maitho
 Na nii ngumwira atiri arata akwa
 Jesu ndonagwo na maitho tiga ngoro
 
 5.

 Muthuri uyu mutumia mwina kiriro
 Wiriri umukinyiire mwawagira bata
 Mwanake uyu muiritu uyu mwina kiriro
 Wiriri umukinyiire mwawagira bata
 
 6.

 Nimuheetwo ihinda riega ria kwirira
 No muthenya wa Mwathani hatiri na thaa
 Jesu atindaga akimwira ni amwetereire
 Na inyui no kuhenererio ni miago ya thi ino
 
 7.

 Ni nginya ri mugutura muri ndungata,
 Cia Caitani amwathage akimuhuraga
 Jesu Kristo niaramwita ari na wendo
 Mungitikia na mwirire ndakamutiga
 
 8.

 Mwatumirwo ni Mwathani mukahunjirie andu
 Mukiona miago ya thi ino ikimuhenereria
 Mangikoora ni mukorio thakame yao
 O hamwe na mioyo yao muthenya wa ciira

Comments

Post a Comment

Popular posts from this blog

216. MUNDU WA KWIHOKA MWATHANI WITU

  1.  Mundu wa kwihoka Mwathani witu.  Mbara cia thi-ino ndagaciona  Tondu Mwathani witu ari hamwe nake.    2.  Riria agacoka Mwathani witu,  Mundu ucio ndakaga kuona muoyo.  Tondu niehokete mwana wa Ngai.     3.  Mucara wake uria akagaya,  Umanite na kuri Mwathani,  Ni muoyo wa tene na tene.     4.  Kiriro kinene ona maithori,  Niikoneka kuri andu aingi.  Makirorio mwaki-ini kwa ngoma.    5.  O mundu mundu o mundu niethagathage,  Tondu Mwathani akirie guka.   Kunengera mundu mucara wake.
Read more

215. MUTHENYA WA GUKA GWAKE JESU

 1.  Muthenya wa guka gwake Jesu  Andu aingi ni makarira.  Aria maregire kuhonokio.  Mona ati nowe munene.    Kai gutonga na githomo,  Itigituma ugie muoyo.  Tiga no thakame yake Jesu,  Igagutwara muoyo-ini.    2.  Andu aingi nimarumire Ngai,  Na makirega gwitikia  Nacio thina na maithori.  Ni ikonwo ni andu aingi.    3.  Warumirira watho wa Jesu,  Niukona muoyo kuna.  Andu aingi nimakora,  Tondu ni moinire watho.
Read more

220. MATUKU MAYA TWI NAMO

  1.  Matuku maya twi namo nimo ma ithiriro,  Ngoro cia andu aingi ni ikomete.  Gikuu-ini gwa Shaitani.    Nuu uguthii agaciukirie  Nuu uguthii agaciukirie?  Ahunjie uhoro wa ma.  Niguo magae muoyo.     2.  Roho eguthaitha ndungata, irute wira na kiyo  Icokererie ciana cia Ngai,  Niguo moime gikuu-ini    3.  Mutharaba-ini wa Jesu,  Niho hari na muoyo wa mwihia.  Ateng’era ho niekuoya muoyo.     4.  Roho ari na kieha muno,  Tondu wa mugayano wa andu,  Aria maitiriirio Roho,  Makaga gutuika umwe.     5.  Ngai witu niwe wa tha.  Ningi wa wendo munene.  Tondu ni aathurire ndungata,  Niguo ituike utheri.    6.  Inyui ndungata cia Ngai,  Roho niekumuthaitha,  Murumie mathani make,  Niguo murute kirindi.
Read more